Finitiko themmesko peskiiribosko ȟeel bereȟȟengo juulako bereȟ 2017

Finitiko themmesko avibosta peskiireske vela te aaȟȟel ȟeel bereȟ aro bereȟ 2017. Finitiko themmesta aulo peskiiro them ta demokratiko it volla aro juulako tšoonesko 6. diives aro bereȟ 1917.

Ȟeel bereȟȟengo juulako bereȟȟesko 2017 teema hin Tšetanes. Finitiko themmesko baro bereȟ is phirro saare finnenge ta Finitiko themmesko maalenge. Tšetanes-teema dissuvela aro juulako bereȟ ta aro bereȟȟesko programmosko raaluno ta tšeeribosko maneera.

Juulako bereȟ rikkavena aro buut Finitiko themmesko ringa ta nii auri Finitiko themmesko grensenna. Juulako bereȟ byrjuvela bereȟȟesko 2017 byrjibosta ta langȟjuvela džin peskiiribosko diives aro juulako tšoonesko 6. diives. Juulako bereȟ laagavena tšetano tšeeribossa ta dielosko liibenessa. Aro juulako bereȟȟesko programmos dikkaha džinom Finitiko themmesko peskiiribosko bereȟȟeel ta dauva ta avibosko tiija.

Koonbi vojuvela ta alsavel projektos aro Finitiko them 100 -programmos. Aro skokka vojuvela te roodel pes džin bereȟȟesko 2017 panjako tšoonesko ȟluutiba. Programmosko roodibosko sikibi ta linkos aro verkosko roodibosko blankettos hin apo dala paȟȟe finitiko, sveittiko ta angliko tšimbaha.

Juulako bereȟȟesko ȟeelibosko fäärdibosta svaaravela Finitiko 100 -projektos aro themmesko fallibosko kanslios. Finitiko 100 -phuujengo verkos, kai lena dielos phuujengo staggos ta ȟou koni baaride foori, svaaravela juulako bereȟhesko avibosta tšatšeske saarenge aro Finitiko them. Kontaktosko komujengo kontaktosko džaanibi hin apo dala paȟȟe.

Saste aven skokka aro Finitiko themesko baro bereȟ 2017!